MOVEMENTOS NO PLANO
Transformacións xeométricas
 
1. CONCEPTO DE TRANSFORMACIÓN XEOMÉTRICA


Unha transformación xeométrica é aquela que a cada punto do plano lle fai corresponder outro punto do plano. Asemade, as figuras transfórmanse noutras figuras.

Se lle chamamos T a unha certa transformación, daquela chámaselle T(P) = P' ao transformado do punto P. Se un punto se transforma en si mesmo, dise que é un punto dobre ou invariante.


As transformacións xeométricas están moi presentes ao noso arredor. Ao mirarnos nun espello, nunha simple fotografía ou os mosaicos que aparecen no arte ou na arquitectura, non son máis que exemplo de transformacións xeométricas como xiros, translacións ou simetrías.
   

2. CONCEPTO DE MOVEMENTO NO PLANO


Un movemento é unha transformación xeométrica no cal todas as figuras manteñen a súa forma e tamaño. Hai dous tipos de movementos:

  • Movementos Directos: que manteñen o sentido de xiro e entre os que destacan as translacións e os xiros.
  • Movementos Inversos: que cambian o sentido de xiro e entre os que podemos citar as simetrías axiais.
 
Movemento Directo

Movemento Inverso

       
           
  Xosé Anxo Fernández Alonso
 
© Ministerio de Educación, Política Social y Deporte. Año 2009