Nome: Andrés Piñón Fernández

Centro: IES Salvador de Madariaga

Localidade: A Coruña

Grupo: 3º de ESO C

Alumnado: 19 alumnos e alumnas. Dos cales a terceira parte son repetidores ou promocinaron por imperativo legal.

Nivel: heteroxéneo. Un terzo do alumnado ten un nivel bo, outro terzo un nivel medio e o terzo restante ten un retraso considerable e dificultades de aprendizaxe.

Introducir un cambio metodolóxico a través da utilización de unidades didácticas desenvolvidas con Descartes.

Utilizar material interactivo e desenvolver un deseño de actividades novidoso para darlle un enfoque constructivista ao modelo de aprendizaxe procurando un aprendizaxe s ignificativo mediante a dedución, a elaboración e a expresión do propio coñecemento e a súa comunicación.

Propiciar que o alumnado sexa o principal suxeito do proceso de aprendizaxe, superando o antigo modelo de transmisión e reproducción de coñecemento no que o profesorado tiña o papel principal.

Aumentar a motivación do alumnado e favorecer unha actitude máis positiva cara o estudo

Atender aos diferentes modos e ritmos de aprendizaxe do alumnado

Estudanse as dúas primeiras unidades do proxecto didáctco do departamento: Os números e a súa utilidade I e II.

Na primeira pretendese asentar e reforzar os coñecementos sobres os números, os seus usos e a súa operativa.

O obxectivo na segunda é a comprensión das diferentes formas de expresar os números,as súas operacións e a súa utilización. Tratase tamén a cuestión das aproximacións e da medida dos erros cometidos.

Unidade 1. Os números e a súa utilidade I.

1.1. Números enteiros
1.2. Números racionais
1.3. Operacións con fraccións
1.4. Potenciación
1.5. Raíces exactas
1.6. A fracción como operador

Unidade II. Os números e a súa utilidade II.

2.1 Números decimais
2.2 Paso de decimais a fraccións
2.3. Números racionais e irracionais
2.4. Radicais
2.5. Notación científica
2.6. Números aproximados e erros
2.7. Porcentaxes
2.8. Xuro composto

A aula que se utilizou dispon de 17 computadoras con procesador AMD Athlon 64 X” Dual Core 5600+, 2 GB de RAM, 80 GB de disco duro, TFT de 17” con altofalantes incluídos. O sistema operativo é Windows XP SP3.

Todos os ordenadores están conectados a rede do centro e teñen conexión directa a internet. Empregouse como navegador o Firefox 2.0.

Incialmente os ordenadores estaban dispostos en U, coa mesa do profesor e un encerado na cuarta parede. Dúas semana antes do remate da experiencia o encargado da aula decidiu cambiar a disposición en poñer as computadoras en filas mirando ao encerado e á mesa do profesor.

A aula utilizase para impartir a optativa de 4º de ESO e a informática de 1º de bacharelato, ademais tamén se utiliza para outras clases segundo un horario que está a disposición do profesorado. Isto motivou que a experimentación na aula só se puidese desenvolver durante tres sesións das catro sesións semanais. 

../../../../../eda2008/profesores/practicas_eda2008/alumnos/pfa_p3/unid_did.html