Por exemplo, 2/3 e 3/4 son fraccións propias.

Unha fracción positiva é impropia se, pola contra, o numerador é maior ou igual que o denominador. O seu cociente é maior ou igual que 1.

Por exemplo, 5/3 e 9/4 son fraccións impropias.

Se queremos representar o número 3/4, por ser unha fracción propia, o seu representante na recta será un punto comprendido entre 0 e 1. Dividimos o segmento unidade en catro partes e tomamos 3, contando dende o 0.

• Debuxa un segmento horizontal. Sinala o extremo esquerdo co número 0 e o dereito co 1. Ese será o noso segmento unidade.
• Traza dende o 0 unha semirrecta calquera que non sexa horizontal.
• Co compás, marcamos nesa semirrecta, dende o 0, catro medidas iguais.
• Cunha regra trazamos o segmento que une a última marca do compás na semirrecta co punto 1.
• Utilizando o cartabón e a escuadra, trazamos paralelas a ese segmento que pasen polas outras tres marcas do compás.

Os puntos de corte deses segmentos no segmento unidade dividen este en catro partes iguais.

Observa na escena o debuxo tal como debe quedarche no caderno.

Repite o exercicio e debuxa os números 4/5, 5/6 e 2/7.

Comproba na escena que o teu debuxo é correcto.

Por exemplo,

13/5 = 2 + 3/5,

onde 2 é o cociente enteiro da división de 13 entre 5 e 3, o resto.

Así, o número 13/5 será un punto comprendido entre o 2 e o 3. Para representar o número 13/5 deberemos representar o número 3/5 no segmento [2,3], é dicir, dividir o segmento [2,3] en 5 partes e tomar 3 dende o punto 2.

Observa na escena o debuxo tal como debe quedarche no caderno.

Representa tambien os números 10/3, 13/2, 17/5 e 9/4.

Comproba os teus resultados na escena adxunta.