Gogora ezazu garrantzitsuena

Zenbaki errealak
Zenbaki errealen multzoa zenbaki arrazionalek eta zenbaki irrazionalek osatzen dute.

  • Zenbaki arrazionala zatikia da, haren baliokide guztiekin. Edozein zenbaki arrazional hamartar periodiko gisa adieraz daiteke, eta alderantziz.
  • Zenbaki irrazionala zenbaki hamartar mugagabe ez periodikoa da.
Zenbaki erreal guztiak, bai arrazionalak bai irrazionalak, zuzeneko puntu baten bidez irudika daitezke eta, era berean, zuzenaren puntu bakoitzari zenbaki erreal bat dagokio.

Zenbaki erreal baten hurbilketak
Praktikan hurbilketak erabili behar dira, zifra hamartar infinituak dituzten zenbakiekin lan egiten dugunean. Txikiagorako eta handiagorako hurbilketak erabiltzen ditugu, mozketak eta borobiltzeak.

Zenbaki erreal guztiak adieraz daitezke zenbaki hamartarren bi sekuentzia gisa, hauek txikiagorako eta handiagorako hurbilketak dira.

  • Errore absolutua balio zehatza eta balio hurbilaren arteko kendura positiboa da.
  • Errore erlatiboa balio hurbila eta balio zehatzaren arteko zatidura da. %-tan adierazi ohi da.
  • Hurbilketa baten errore-kota gehienezko errore absolutu posiblea da.

Notazio zientifikoa
Zenbaki oso handiak edo oso txikiak notazio zientifikoan adierazten dira
                x·10n
Zenbakiekin notazio zientifikoan eragiketak egiteko, potentzien ezaugarriak aplikatzen ditugu.

Zuzen erreala
a zenbaki baten balio absolutua, |a| zeinurik ez duen zenbakia da.
a eta b puntuen arteko distantzia haien kenduraren balio absolutua da, |a-b|=|b-a|
aurrekoa
hurrengoa