En ausencia de forzas externas un corpo permanece en repouso se a súa velocidade inicial é cero e móvese con movemento uniforme, con velocidade constante, se ten velocidade inicial no momento que observamos a ausencia de forzas.

A inercia expresa a tendencia dun corpo a manterse no estado en que está. Se está en repouso e non actúan forzas sobre el, continúa en repouso.

Se non actúan forzas pero estaba en movemento, continúa con movemento uniforme.
Observa que a velocidade non cambia nin de valor, nin de dirección, nin de sentido.